म्हिगःनिसें सफू प्रदर्शनी
येँ (झीगु स्वनिगः)
साझा प्रकाशनया ग्वसालय् सोमवाःनिसें तःजिगु सफू प्रदर्शनी न्ह्याःगु दु । येँया राष्ट्रिय सभागृहलिसे साझा प्रकाशनया देय्न्यंकया नीखुगू शाखा व बिक्री कक्षय् छक्वलं सफू प्रदर्शनीया ग्वसाः ग्वःगु खः ।
'पर्यटन प्रवर्द्धनया नितिं शिक्षा' धइगु मू नाराया लिसे न्ह्यायेत्यंगु सफू प्रदर्शनी झिन्हुतक्क न्ह्याइ । प्रदर्शनीइ तइगु सफुतिइ झिगू निसें च्यय्गू प्रतिशततक्क छ्यापंया व्यवस्था दुगु ग्वसाः खलकं जानकारी ब्यूगु दु ।साझा प्रकाशनं ब्वनेगु बानीया बिकास यायेत, सफुतिइ ब्वनामिया पहुँच थ्यंकेत लिसे ब्वनामि व च्वमिया स्वापू बिस्तार यायेगु उद्देश्यं २०२९ सालनिसें तःजिगु पुस्तक प्रदर्शनी यानाः वयाच्वंगु खः ।
