हलियापाखें सर्वोच्चय् रिट
येँ (झीगु स्वनिगः)
सरकारं हलिया पुनःस्थापना यायेगु नितिं च्यूताः मतःगु धासें कञ्चनपुर व डडेल्धुराया हलियातय्सं सर्वोच्च अदालतय् रिट दर्ता याःगु दु । पुनःस्थापन योजना दयेकेमाःगु माग तसें राष्ट्रिय दलित नेटवर्कया नायः गणेश विक, संस्थाया कानूनी सल्लाहकार गम्भीरसिं ऐर व मुक्त हलिया डम्बर टमटा व धनबहादुर लुहारं संयुक्त कथं रिट दायर याःगु खः । न्यायीक पुनःस्थापना, वैकल्पिक रोजगार लगायतया प्यंगू बुँदे माग तसें सर्वोच्चय् सार्वजनिक सरोकार अन्तर्गत रिट दायर याःगु नेटवर्कया नायः विश्वकर्मां जानकारी बियादिल । सरकारं वि.सं. २०६५ भदौ २१ य् हलिया मुक्तिया घोषणा याःगु खः ।
