झापाय् बाखँ मुँज्या

नेवाः देय् दबू झापा जिल्ला समितिया ग्वसालय् झापाय् बाखं मुँज्या जुल । झापा जिल्लाया प्रमुख जिल्ला अधिकारी शशीशेखर श्रेष्ठया मूपाहांसुइ जूगु उगु ज्याझ्वलय् नेवाः देय् दबूया नायः नरेश ताम्रकार, नेवाः देय् दबूया संरक्षक लक्ष्मण राजवंशीपिंसं न्ववानादीगु खः । ज्याझ्वलय् दीपक शाक्य, प्रकाश खड्गी व पूर्णकृष्ण श्रेष्ठपिं पाहां कथं ब्वति कयादीगु खः ।

नेवाः देय् दबू झापा जिल्ला समन्वय समितिया न्वकु सुन्दरी श्रेष्ठया सभापतित्वय् जूगु उगु ज्याझ्वलय् कृष्णभक्त बोडे, केदार सितु, शरद कसाः, शशिकला मानन्धर व सुनिता महाजुपिंसं थःथःगु बाखं ब्वना न्यंकूगु खः । ज्याझ्वलय् नेवाः कलाकारितां जाःगु कुमारी प्याखं, माजुश्री, चर्या व लोक प्याखं नं न्ह्यब्वःगु खः ।

More Stories Like this