धरानय् सिद्धि नेवाः परिषदया तःमुँज्या

सिद्धि नेवाः परिषदया झिंखुक्वःगु तःमुँज्या धरानय् क्वचाल । तःमुँज्या उलेज्या नेवाः देय् दबूया संरक्षक लक्ष्मण राजवंशीं यानादीगु खः । सरला कायस्थया सभापतित्वय् जूगु उगु तःमुँज्यां सरला कायस्थया हे नायसुइ न्हूगु ज्यासना पुचः ल्यःगु दु । ज्याझ्वलय् मूपाहां नेवाः देय् दबूया संरक्षक लक्ष्मण राजवंशी व नेवाः देय् दबूया नायः नरेश ताम्रकारपिंसं न्ववानादीगु खः ।

थ्वहे झ्वलय् सिद्धि नेवाः परिषद इटहरी धरानया ग्वसालय् धरानय् बाखं मुँज्या जुल । उगु मुँज्याय् थीथी च्वमिपिंसं थःथःगु बाखं ब्वनेज्या याःगु खःसा नेवाः देय् दबूया नायः नरेश ताम्रकारं नेवाः राज्यं पिनेया नेवाःतय् अधिकार सुरक्षाया थीथी पक्षयात कयाः कुलादीगु खः । ज्याझ्वः क्वचायेकाः थीथी नेवाः सांस्कृतिक ब्वज्या नं न्ह्यब्वःगु खः ।

More Stories Like this