धनकुटाय् सहलह मुँज्या

नेवाः देय् दबू धनकुटा व नेवाः पुचः धनकुटाया मंकाः ग्वसालय् धनकुटाय् स्थानीय नेवाः संघ संस्थात नापं नेवाः देय् दबूया सहलह मुँज्या जुल । नेवाः देय् दबूया केन्द्रीय उपाध्यक्ष नवीणकिशोर शाक्यया सभापतित्वय् जूगु उगु सहलह मुँज्या नेवाः देय् दबूया संरक्षक लक्ष्मण राजवंशीं उलेज्या यानादीगु खः । ज्याझ्वलय् वय्कःयात दोसल्ला न्ययेकाः सम्मान नं याःगु खः । उगु ज्याझ्वलय् नेवाः देय् दबूया नायः नरेश ताम्रकारं नेवाः देय् दबूया झिंन्याक्वःगु तःमुँज्या ताःलाक क्वचायेकूगुलिं नेवाः देय् दबू धनकुटायात सुभाय् देछानादिल ।

थ्वहे झ्वलय् धनकुटाय् हे जूगु बाखं मुँज्याय् नेवाः देय् दबूया नायः नरेश ताम्रकारं नेवाः एकता राज्य पुनर्संरचना सम्वन्धी प्रशिक्षण बियादीगु खःसा नेवाः देय् दबूया न्वकु दीपक शाक्यं नं न्ववानादीगु खः ।

More Stories Like this