इटहरीइ सहलह मुँज्या

नेवाः पुचः इटहरीया ग्वसालय् नेवाः देय् दबूया पदाधिकारी व स्थानीय नेवाः संघ संस्थातय् दथुइ सहलह मुँज्या जुल । नेवाः पुचः इटहरिया नायः चित्रमान श्रेष्ठया सभापतित्वय् जूगु उगु सहलह मुँज्याय् मूपाहां नेवाः देय् दबूया नायः नरेश ताम्रकारं पूर्वाञ्चलय् नमूना क्यने फइकथं थःगु हे "नेपाः बहुउद्देश्यीय सहकारी संस्था " नापं स्वना इटहरीया नेवाः पुचलं सराहनीय ज्या यानाः वयाच्वंगु खँ कनादिल ।

उगु समारोहय् नेवाः देय् दबूया संरक्षक लक्ष्मण राजवंशीयात दोसल्ला न्ययेकाः सम्मान नं याःगु खः । ज्याझ्वलय् नेवाः देय् दबूया न्वकू नवीणकिशोर शाक्य, मेम्ह न्वकु दीपक शाक्य व केन्द्रीय सदस्य पूर्णकृष्ण श्रेष्ठिपंसं नं न्ववानादीगु खः ।

More Stories Like this