बिसवेन महानगर युद्धभूमि थें
बिसवेन (एएफपी)
अस्ट्रेलियाया स्वंगूगु तःधंगु नगर बि्रसवेन भीषण वषर्ाया चपेटाय् लाःगुलिं नागरिकतय्गु जीवन रक्षाया नितिं पूरा हे नगर युद्धया लुमन्ति वइकथं सङ्घर्ष भूमिइ परिणत जूगु दु । न्हापाया झिदँ थुखे तच्वःगु वाया कारण वःगु चलःया लः फुक्क महानगर व जःखःया ग्रामीण ईलाकाय् नापं दुहांवंगुलिं स्वीद्वः स्वयाः आपालं भवन व भौतिक संरचना नष्ट याःगुलिं नगर छगू खण्डहर जूगु दु । करिब नीगू लाख जनसङ्ख्या दुगु थुगु नगरय् म्हिगः सुथ न्हापनंनिसें चलःया लःया सतह अप्वयाः लाखौं नागरिकतय्त छेँ बुँ विहीन जूगु व करोडौं डलर मू बराबरया धनसम्पत्ति नष्ट जूगु दु ।
क्विन्स्ल्यान्ड राज्यया बि्रसवेन खुलि लिक्क दुगु थुगु नगर खुसिया हे नामं नामाकरण यानातःगु व थनया फुक्क धइथे औद्योगिक क्षेत्र, थाय् यातायातया स्टेसनत, सतक, तां, मत लगायत फुक्क लखय् डुबय् जूगु खः । गुलिखय् थासय् चलःपाखें ताःपायेत व थः मस्तय्त जोगय् यायेत मनूत युद्धस्तरय् सङ्घर्षरत दु । स्वन्हुनिसें आःतक्क थुगु महानगरय् चलः व वाया कारण झिंन्याम्ह मनूत सीगु दु । सन् १९७४ निसें चलःया पीडा मफःपिं बि्रसवेनबासीत आः तसकं हे भयभित व अन्यौलय् लाःगु दु ।
