कानूनविद्या तर्क
येँ (झीगु स्वनिगः)
गुलिखय् कानूनविद्तय्सं संविधानकथं धारा ३८ या उपधारा २ कथंया बहुमतया सरकार निर्माण यायेत ब्यवस्थापिका संसद ताःमलाये धुंकूगुलिं राष्ट्रपतिपाखें हे धारा ३८ या १ कथं सहमतिया सरकार नीस्वनेगु नितिं इनाप यायेमाःगु जानकारी ब्यूगु दु । म्हिगः येँय् ग्वसाः ग्वःगु साक्षात्कारय् नेपाल बार एसोसिएशनया नायः प्रेमबहादुर खड्कां प्रधानमन्त्री निर्वाचनया प्रक्रिया क्वचाये धुंकूगुलिं संविधानय् जूगु ब्यवस्थाकथं हाकनं राष्ट्रपतिपाखें न्हूगु प्रक्रिया न्ह्याकेगुया छु नं विकल्प मदुगु धयादिल । संविधानविद् भीमार्जुन आचार्यं तटस्थताया ब्यवस्था कानून विपरित कायम जुयाः च्वना देय् ताःहाकःगु ईतक्क सरकार विहीन जूगु नापं बिचाः प्वंकूगु खः ।
वय्कलं चक्रीय प्रणाली नं संविधान विपरित जूगु दाबी यानादिल । अधिबक्ता टिकाराम भट्टराईं धारा ३८, २ या प्रक्रिया क्वचाःगुलिं हाकनं ३८ या १ प्रक्रियापाखें राष्ट्रपतिं सरकार नीस्वनेगु नितिं दलतय्त इनाप यायेमाःगु जानकारी नापं ब्यूगु खः । नेपाल बार एसोसिएशनया पुलांम्ह न्वकु शेरबहादुर केसीं सभामुखं याकनं न्हूगु प्रक्रिया न्ह्याकेत राष्ट्रपतियात पौ च्वयेमाःगु तर्क तयादिल ।
