संयन्त्र दयेकेत सरकारया निर्देशन

येँ (झीगु स्वनिगः)

व्यवस्थापिका संसदया अन्तर्राष्ट्रिय सम्वन्ध तथा मानवअधिकार समितिं सेना व ल्वाभःया अनुगमनया नितिं नेपालय् च्वंगु राष्ट्रसंघीय मिसन अनमिन वने न्ह्यः हे भरपर्दो संयन्त्र दयेकेत वर्तमान कामचलाउ सरकारयात निर्देशन ब्यूगु दु । सिंहदरवारय् म्हिगः विहिवाः च्वंगु समितिया मुँज्यां विस्तृत शान्ति सम्झौता कथं अनमिनं ज्या याना वयाच्वंगु नेपाली सेना व माओवादी लडाकु नापं ल्वाभः अनुगमनया ज्या यायेगु कथं बैधानिक संयन्त्र दयेकेत निर्देशन ब्यूगु खः । उखे सरकारं धाःसा अनमिनया ज्या आः माओवादीया लडाकु व ल्वाभः विशेष समितिया सचिवालययात भाला बिइगु धकाः खँ क्वःछ्यूगु दु ।