प्रम निर्वाचनया नियम संशोधन यायेत न्याम्हेसिया समिति नीस्वन
माघ ३ गतेया संसदया मुँज्याय् पेश याइगु
येँ (झीगु स्वनिगः)
व्यवस्थापिका संसदया कार्यसंचालन नियमावलीइ प्रधानमन्त्रीया निर्वाचन सम्वन्धि नियम संशोधन यायेत न्याम्ह दुजः दुगु समिति दयेकेगु खँ क्वःछ्यूगु दु । संसदया कार्यव्यवस्था परामर्श समितिया म्हिगः विहिवाः च्वंगु मुँज्यां अथे समिति दयेकूगु खः । समितिइ एकीकृत माओवादीपाखें एकराज भण्डारी, नेपाली कांग्रेसपाखें राधेश्याम अधिकारी, एमालेपाखें अग्नी खरेल, सद्भावनापाखें अनिल झा व जनता दलपाखें गायत्री साह च्वनादीगु दु ।
प्रधानमन्त्री ल्ययेगु नितिं न्हूगु प्रक्रिया गुगु कथं न्ह्याकेगु खः व विषययात कयाः नियम संशोधनया नितिं उगु समितिं ज्या याइ । कार्यव्यवस्थापन समितिं माघ ३ गत्े च्वनीगु संसदया मुँज्याय् पारित यायेगु कथंया भाला ब्यूगु खः । म्हिगः विहिवाः च्वंगु संसदया मुँज्यां कार्यव्यवस्था समितिया क्वःछिनायात औपचारिक रुपं लागू यायेगु क्वःछ्यूगु दु ।
