कांग्रेसयात 'चमत्कार'या आशा

थौं प्रमया १७ क्वःगु चुनाव / पौडेल बुइगु जुल

येँ (सन्ध्या टाइम्स)/न्हूम्ह प्रधानमन्त्री ल्ययेगु लागिं थौं जुइगु चुनावय् अन्तिम इलय् तक नं थः उम्मेदवार रामचन्द्र पौडेलयात त्याकेगु लागिं कांग्रेसं कुतः याइगु जूगु दु। थौं चुनाव न्हिनय् २ बजे जुइगु खःसा न्हिनय् १ बजे तक नं चमत्कारी निर्णय जुइफुगु आशा कांग्रेसं यानाच्वंगु दु। कांग्रेस महामन्त्री प्रकाशमान सिंहं आशावादी जुयाः धयादीगु दु, 'चुनाव जुइगु ला एक दुई बजे पाखे खः, एमालें निर्णय यात धाःसा अझ नं छुं जुइफुनि ।'

कांग्रेसं छुं जुयाः एमालें थः उम्मेदवारयात भोट मबिल धाःसा एमालेलिसेया गठबन्धन त्वाःथलेगु व सरकारय् वनाच्वंपिं थः मन्त्रीत नं लित सःतेगु धकाः घोषणा याना तयेधुंकूगु दु ।