संविधानसभाया मेगु बैठक माघ ३ गते

येँ (झीगु स्वनिगः)

झण्डै खुला लिपा म्हिगः च्वंगु संविधानसभाया बैठकं थःगु कार्य सञ्चालन नियमावली संशोधन यायेत मस्यौदा समिति नीस्वंगु दु । संविधानसभा नियमावलीइ फुक्क कथंया बिवाद मदयेधुंकाः जक एकीकृत मस्यौदा संबैधानिक समितिइ थ्यंकेगु प्रावधान दुगुयात नियमावली हिलेवं विवाद नापया मस्यौदा नं संबैधानिक समितिइ थ्यंकेफइ । म्हिगः नीस्वंगु समितिं सभाषद्पिं एकराज भण्डारी, पुष्पा भुसाल, धिरेन्द्र बहादुर श्रेष्ठ, बृजेशकुमार गुप्ता व सन्तबहादुर नेपाली खः । मस्यौदा समितिं संविधानया न्हापांगु मस्यौदा तयार यायेगु नितिं ल्यं दुगु फुक्क समितिया प्रतिवेदन संवैधानिक समितिइ थ्यंकेगु नितिं लँपु चायेकाः मस्यौदा तयार याइ । संविधानसभाया मेगु बैठक माघ ३ गते सोमबाः न्हिनय् स्वताः इलय् सःतूगु दु । म्हिगः च्वंगु संविधानसभाया १०३ औं बैठकं मस्यौदा समितियात मस्यौदा तयार यानाः संविधानसभाया बैठकय् पेश यायेगु नितिं नं निर्देशन ब्यूगु खः । समितिइ कार्य सम्पादन मयाःगु ईतक्कया नितिं ई तंगु खः ।

एकीकृत नेकपा माओवादीया प्रमुख सचेतक पोष्टबहादुर बोगटीं पेश याःगु संशोधन प्रस्ताव नेपाली कांग्रेसया प्रमुख सचेतक लक्ष्मण प्रसाद घिमिरे व एमालेया सचेतक भीमप्रसाद आचाय समर्थन याःगु खः ।