विदेशीतय्गु न्ह्यःने आत्मसमर्पण याइमखु : अनन्त
येँ (झीगु स्वनिगः)
एकीकृत नेकपा माओवादीया स्थायी समिति दुजः वर्षमान पुन -अनन्तं) माओवादी छु नं कथं विदेशी शक्तितय्गु न्ह्यःने आत्मसमर्पण मयाइगु धयादिल । म्हिगः जनसञ्चार अभियानय् जूगु झ्वलय् वय्कलं देशय् राष्ट्रपति शासन व सैनिक शासन धकाः हालाः वयाच्वंगु जूसां थःगु पार्टीं उकिया छु नं कथं सम्भावना मदुगु स्पष्ट यानादिल ।
अनन्तं राष्ट्रपति शासन व सैनिक शासनया अवस्था वल धाःसा देय् बहु आयामिक गृहयुद्धय् वनीगु खतरा अप्वइगु धयादिल । वय्कलं वैदेशिक हस्तक्षेप विना राजनीतिक दलतय्गु सहमतिया आधारय् सहकार्य यायेगु नितिं माओवादी तसकं लचिलो जुइगु नितिं तयार जुइगु धयादिल ।
