ल्वहं हिति सुचुपिचुयात
येँ (झीगु स्वनिगः)
थनया २९ वडा स्थित थँबहिया अस्कल क्याम्पस ल्यूनेया पुलांगु ल्वहंहिति लागा सुचुपिचु याःगु दु । २९ वडा ज्याकू व स्थानीय जनताया मंकाः ग्वाहालिइ उगु ज्या जूगु खः । लःया अभाव जुयाच्वंगु इलय् थन दुगु प्यधाः हिति मध्ये छधाः हितिं जक थौं लः हायाच्वंगु दु ।
लः मवःगु स्वधाः हिति अस्कल क्याम्पस निर्माणया महलय् लःया धः प्वाःत्यूगु धुकूमाः याःगु दु । ल्वहंहिति सुचुपिचु यायेवं स्थानीय जनता लय्ताःगु दु । २९ वडाय् यक्कों उज्वःगु ल्वहंहिति दुगु तर प्यख्यरं जथाभावी निर्माण कार्यं यानाः लःया निकास बन्द जूगु दु ।
