महाबौद्धय् मिं नल

येँ (झीगु स्वनिगः)

येँया महाबौद्ध लागाय् छम्हेसिया निजी छेँय् मिं नःगु दु । म्हिगः मंगलवाः न्हिनय् अथे आकाझाकां मिं नयेवं स्थानीय मनूत नापं प्रहरीत जानाः नियन्त्रणय् काःगु खः । मिं नयाः मानवीय क्षति मजू धकाः प्रहरीं धाःगु दु । धाः कथं महाबौद्धया मुकुण्दबहादुर श्रेष्ठया छेँय् च्याःगु मिं जःलाखःला राजेन्द्र मानन्धरया छेँय् नापं बदि्ररत्न बज्राचार्यया छेँय् तकं थिउगु खः । श्रेष्ठ व मानन्धरया छेँय् छगू छगू तल्ला च्याःगु खः धकाः स्थानीय मनूतय्सं धाःगु दु । अथे मि छु जुयाः च्याःगु खः धकाः सीके मफुनि ।