नेपाली कांग्रेसय् विवाद
थौं व्यवस्थापिका संसदय् जुइगु १७ क्वःगु प्रधानमन्त्रीया चुनावय् एमालें विपक्षय् मतदान याइगु जुइवं फुक्क मन्त्रीत हे लित सःतेगु जुइ धकाः कांग्रेसया नेतातय्सं एमालेया नेतातय्त ख्याच्वः ब्यूगु विषययात कयाः कांग्रेस दुने हे विवाद जूगु दु ।
कांग्रेसया वरिष्ठ नेता शेरबहादुर देउवाया निवास महाराजगञ्जय् मंगलवाः जूगु भेलाय् सुं व्यक्ति विशेषया नितिं प्रधानमन्त्रीइ मतदान मयात धायेवं पुलांगु समिकरण हे स्यंकेगु ज्या यायेमजिउ धकाः देउवा पक्षधरया नेतातय्सं धयादीगु खः । अन नेतातय्सं यदि समिकरणयात त्वाथल धाःसा बाम धुविकरण जुइफुगु सम्भावना दु धकाः न्ह्यथसे अथे जुल धाःसा कांग्रेसयात तःधंगु घाटा जुइ धकाः तकं धयादीगु खः ।
