मेसीयात प्लेयर अफ द इयरया उपाधी

अर्जेन्टिनियन फुटबल कासामि लियोनल मेसीं 'फिफा बालोन दि'ओर २०१०' (प्लेयर अफ द इयर)या उपाधी त्याकूगु दु ।

स्पेनिस क्लब बार्सिलोना पाखें म्हितिम्ह मेसीं उगु हे टिमया सहकर्मीत जाभी हर्नान्डेज व अन्डारेस इनेस्टायात ल्यूने लाका निक्वःगु खुसी थुगु उपाधी त्याकूगु खः । थ्व स्वयां न्ह्यः सन् २००९या फिफा प्लेयर अफ द इयरया उपाधी नं मेसीं हे त्याकूगु खः । सन् २०१०य् स्पेन व बार्सिलोना पाखें यानाः मेसीं ५८ गोल याःगु खः ।

उपाधी त्याकेत २३दँया मेसीं २२.६५ प्रतिशत मत हःगु खः । मेसीं ल्यूने लाकूपिं इनेस्टां १७.३६ व जाभीं १६.४८ प्रतिशत जक मत हःगु खः ।

अथेहे मिसा पाखे फिफा बालोन दि'ओरया उपाधी ब्राजिलया मार्तां त्याकूगु दुसाः रियल म्याड्रिडया कोच जोसे मोरिहनों त्याकूगु दु । मिसा पाखेया कोचया उपाधी जर्मनया कोच सिल्भिया नेइडं त्याकुगु दु ।

न्हापा लिपा 'फिफा प्यलेर अफ द इयर' व 'बालोन दि'ओर' धकाः निगू बिस्कं बिस्कं उपाधी बीगु यानाच्वंगु खःसां थुगुसी निसें निगू उपाधीयात छगू हे यानाः फिफा बालेान दि'ओर याःगु खः ।

More Stories Like this