राखेपयात कार्यदलया प्रतिवेदन

येँ (झीगु स्वनिगः)

राष्ट्रिय खेलकुद परिषद् -राखेप) यात राखेप कर्मचारी सङ्घ व व्यवस्थापन समितिं नीस्वंगु कार्यदलं म्हिगः सुझाव लिसेया प्रतिवेदन लःल्हाःगु दु । म्हिगः जूगु छगू ज्याझ्वलय् राखेप दुजः छ्याञ्जे हरिबाबु चौधरीयात कार्यदलया कजि मीनकृष्ण मर्हजनं उगु प्रतिवेदन लःल्हाःगु खः ।

उगु ज्याझ्वलय् दुजः छ्याञ्जे चौधरीं प्रतिवेदन अध्ययन यानाः वइगु राखेप बोर्ड बैठकय् प्रतिवेदनय् सहलह यायेगु धयादिल । थ्व स्वयाः न्ह्यः कर्मचारी संघं याःगु २७ बुँदे माग तयाः आन्दोलनयात ब्यवस्थापन समितिया न्ह्यलुवाय् न्हयन्हुयादुने माःगु सम्बोधन याइगु आश्वासनय् कार्यदल नीस्वंगु खः ।

More Stories Like this