ढोरपाटन भलिबल कासाय् ज्ञानबाबा शीर्ष थासय्

येँ (झीगु स्वनिगः)

खुक्वःगु ढोरपाटन 'ब्लु स्काइ कप' मिसा भलिबल डबल लिग धेंधेंबल्लाः कासाय् साबिक विजेता ज्ञानुबाबा सोमबाः नं शीर्ष थासय् यथावत् जूगु दु । गोंगबुस्थित नयाँ बसपार्कय् ज्ञानुबाबां साबिक उपविजेता न्यू डाइमण्डयात २५-५, २५-१४ व २५-१२ या सेटय् बुकुगु खः । जितलिसे झिगू कासापाखें अपराजित ज्ञानुबाबाया ३० अंक थ्यंगु दु । ढोरपाटन स्पोर्टस् प्रशिक्षण क्लबपाखें ग्वसाः ग्वःगु धेंधेंबल्लाः कासाय् नेपाल प्रहरी २८ अंकलिसे निगूगु थासय् लाःगु दु ।

प्रहरीं मजदूर शहीद स्मृति क्लब (येँ) यात २५-१४, २५-१२ व २५-१९ ल्याखं बुकूगु खः । प्रहरीपाखें नं झिगू कासा म्हितेधुंकूगु दु । उकिइ प्रहरीया ९ जित व १ हार दुथ्याःगु खः । न्यू डाइमण्ड विरुद्धया कासाय् मजदूर शहीद स्मृति क्लब (येँ) २५-१६, १९-२५, २५-२२, १९-२५ व १५-८ ल्याखं त्यागु खः । टोप्सं एन्जल्स हर्टयात २५-१६, २५-१७, १९-२५ व २५-१४ या सेटय् निराश याःगु खः ।

More Stories Like this