बसुनारांया लुमन्तिइ शोकसभा
येँ (झीगु स्वनिगः)
एकीकृत नेवाः राष्ट्रिय मुक्ति मोर्चाया निर्वाचन क्षेत्र नं. ७ या सल्लाहकार व ऐराहिति लागाया लोकंह्वाःम्ह समाजसेवी बसुनारां महर्जन मदुगु झिंस्वन्हुया पुण्यतिथिइ म्हिगः ऐराहितिइ बिचाः हायेका मुँज्या याःगु दु । मोर्चाया १४ नं. क्षेत्रीय समितिया ग्वसालय् जूगु थुगु शोक सभाय् मूपाहाँ कथं मोर्चाया केन्द्रीय न्वकु दिलिप महर्जन झायादीगु खः ।
मोर्चा जिल्ला नायः उमेश स्थापितं मदुम्ह बसुनारांया जीवनी ब्वनाः न्यंकूगु खःसा एकीकृत माओवादीया क्षेत्रीय इन्चार्ज विमलं पार्टीयापाखें बिचाः हायेकादीगु खः । मुँज्याय् एकीकृत माओवादीया येँ जिल्ला ल्यू छ्याञ्जे सुशिल लिसें पार्टी व मोर्चाया नेता कार्यकर्ता लिसे उगु लागाया जनतातय्गु नं ब्वति दुगु खः ।
