न्हूगु निजी विद्यालय दर्ता याकेमबीगु : शर्मा

येँ (झीगु स्वनिगः)

अखिल क्रान्तिकारीया नायः हिमाल शर्मां वइगु शैक्षिक सत्रनिसें न्हूगु निजी विद्यालय दर्ता याकेमबीगु धयादिल । मोरङया विराटनगरय् म्हिगः सञ्चारकःमिपिंलिसे खँल्हानादिसें नायः शर्मां निजी विद्यालययात नं सरकारी करया दायराय् हयाः नियन्त्रणय् कयाः शुल्क निर्धारण याइगु धयादिल । शर्मां वइगु शैक्षिक सत्रनिसें निजी विद्यालययात आर्थिक भार मलाइगुकथं सरकारयात कर पुलेत क्रान्तिकारीं बाध्य यायेगु दाबी नापं यानादिल । वय्कलं अखिल क्रान्तिकारीं ल्ह्वंगु शैक्षिक मुद्दा पूवंकेत थःपिं छगू ल्हातय् च्वसा व मेगु ल्हातय् तुपं क्वःबिइत नापं तयार दुगु न्ह्यःथनादिल । नायः शर्मां क्रान्तिकारीं वइगु सत्रनिसें दलया नेता व सरकारी कर्मचारीया काय् म्ह्याय्पिंत निजी विद्यालयपाखें लिकयाः सरकारी विद्यालयसं ब्वंके छ्वयेगु लकस दयेकेगु दाबी नापं धयादीगु खः ।