फोहर तयेगु थल हे डम्पिङ साइट जुइगु शंका

यल (झीगु स्वनिगः)

यल उपमहानगरपालिका वडा नं. २० सं 'लूजः नेपाल' नांगु संस्थां प्लास्टिक मुनेगु ज्या बांलाक्क हे यानाच्वंगु दु । छुं इलंनिसें प्लास्टिक मुनेत त्वाः त्वाःया थाय् थासय् प्लास्टिक तयत थज्याःगु थलया ब्यवस्था यानातःगु दु । उगु थलय् च्वंगु प्लास्टिक लिकाः मवःगुलिं थ्व थल फोहर वायेगु दम्पिङ साइड जुयाच्वंगु दु ।

तत्काल थ्व फोहर मुनेगु ज्या मजुल धाःसा थ्व थासय् फोह वायेगु थाये जुइफुगु संभावना अप्वयावःगु दु । अथे जुल धाःसा मेगु हे समस्या ब्वलनेफु धकाः तकं स्थानीय मनूतय्सं धयाच्वंगु दु । थुगु कथंया ज्या स्वनिगःया थाय् थासय् जुयाच्वंगु दु । थुज्वःगु समस्यायात इलय् हे समाधान याये मफत धाःसा लिपा वना तःधंगु समस्या कथं न्ह्यःने वइगु सम्भावना मदै धकाः धायेमफु । उकिं सरोकारवालातय्सं इलय् हे बिचाः यायेमाःगु आवश्यकता दु ।