नेवाः दिवसया सांस्कृतिक प्रचार र्याली

येँ (झीगु स्वनिगः)

वइगु विहीवाः यलय् जुइगु नेवाः एकता दिवसयात प्रचार प्रसार यायेगु झ्वलय् थौं मंगलवाः ज्यापु महागुथिया ग्वसालय् येँया बसन्तपुलिइ सुथय् ७:३० ताः इलय् मुनाः सांस्कृतिक प्रचार र्याली जुइत्यंगु दु । उगु र्याली येँया स्वीनिगू त्वालय् चाःहिलेगु जुइ धकाः धाःगु दु । अथे हे नेवाः दिवसयात हे प्रचार यायेगु नितिं एकीकृत नेवाः राष्ट्रिय मुक्ति मोर्चा येँपाखें नं थौं हे सुथय् ७:३० ताः इलय् असनय् मुनाः सांस्कृतिक प्रचार र्याली पिकाइगु जूगु दु ।