हाईटीया न्ह्यसः दु, धेबा गनं वन ?

पोर्ट अ पि्रन्स (एएफपी)

हाईटीइ वंगु दँ वंगु ग्यानापूगु भुखाय्पाखें जूगु अरबौं अमेरिकी डलर बराबरया क्षतिया पुनःनिर्माणया नितिं विश्व समुदायं म्होनिं झिगू अर्ब अमेरिकी डलर उपलब्ध यायेगु प्रतिबद्धता प्वंकूगु दु ।
तर उगु प्रतिबद्धताकथं प्राप्त जूगु धेबा आः गनं वन ले ? थ्व न्ह्यसः थ्व इलय् अन्तर्राष्ट्रिय समुदायपाखें पिहांवःगु दु । उमिसं धयाः वयाच्वंगु दु वंगु दँ तःधंगु मात्राय् प्राप्त जूगुकथं प्राप्त जूगु धेबा आः गनं वन व अज्याःगु कथंया ज्या छाय् जूवनाच्वंगु अथवा प्राप्त धेबाया तुलनाय् आपालं म्हो जक ज्या छाय् जुइफत न्ह्यसः थन्थाय् लाक्क पिदनाच्वंगु दु ।

शुरुइया झिंच्यालाय् जक म्होनिं न्यागू त्या अर्ब डलर प्राप्त जुइगु प्रतिबद्धता वःगु खः तर नं उगु कथंया ग्वाहालि प्राप्त जुइमफुत, उगु प्रतिबद्धताय् उगु अवधिइ छगू अर्ब डलर जक प्राप्त जूगु खः । उगु धेबा उगु इलय् वास्तवय् दुनाः च्वंगु संरचनाया पुनः निर्माणया नितिं छ्यलेगु ज्याझ्वः दयेकूगु खः तर उकिया नितिं न्हापा धयातःपिं दातातय्सं थ्व धेबा बिइत तयार मजुल । थुकथं आःतक्कया अवस्था स्वयेबलय् भुखाय्या कारण क्षत विक्षत जूगु देय्यात पुनःनिर्माणया नितिं छ्यलेगु धयातःगु धेबापाखें उलि प्रगति धाःसा जुइफूगु खनेमदु । उकिं विश्व समुदायया दाता राष्ट्र लिसे निकायत गुकिं थुकिया हाईटीया नितिं ग्वाहालि धाःसा जुइफूगु खनेमदु । ग्वाहालि उपलब्ध याःगु खः व ग्वाहालि यायेगु प्रतिबद्धता प्वंकूगु नं खः तर उमिसं हे न्ह्यसः थनाच्वंगु दु - थ्व धेबा गनं वन धकाः ।

More Stories Like this