हिउँदे अधिवेशन न्ह्यात, सभासद् खड्का मदुगुलिं शोक प्रस्ताव पारित

येँ (झीगु स्वनिगः)

व्यवस्थापिका संसदया नियमित हिउँदे अधिवेशन म्हिगःनिसें न्ह्याःगु दु । न्हू बानेश्वरस्थित संविधानसभा भवनय् म्हिगः च्वंगु संसद बैठकय् सभामुख सुवास नेम्वाङं राष्ट्रपति ज्याकूपाखें प्राप्त अधिवेशन इनाप सम्बन्धि पौ ब्वनाः अधिवेशन न्ह्याःगु जानकारी ब्यूगु खः । बैठकं संखुवासभा क्षेत्र नम्बर दुईया एमाले सभासद डम्बरबहादुर खड्का मदुगुप्रति शोक प्रस्ताव पारित याःगु खः । सभासद् खड्काया वंगु १० गते ख्वपय् मोटरसाइकल दुर्घटनाय् लानाः मदुगु खः । शोक प्रस्ताव पारित जूगु इलय् मेगु कार्यसूचीइ सहलह मयायेगु प्रावधानकथं वइगु बुधबाःतक्कया नितिं संसद बैठक स्थगित याःगु खः ।

थ्वहे हिउँदे अधिवेशनय् बजेट लिसे सरकारया नीति व ज्याझ्वः नं पारित याइ । सभामुख नेम्वाङं अगि्रम स्वीकृत बिना सभासद् अनुपस्थित जुइमदइगु धाःसां नं म्हिगःया बैठकय् निसःम्ह सभासद् अनुपस्थित दुगुलिं निर्देशन पालना मजूगु धयादिसें निर्देशन पालना मजूगु रुलिङ याःगु खः ।