माघ २ गतेनिसें वैज्ञानिक भाडादर कायम जुइगु

येँ (झीगु स्वनिगः)

नेपाल यातायात व्यवसायी राष्ट्रिय महासंघं वइगु माघ दुई गतेनिसें यातायात व्यवसायीं वैज्ञानिक भाडादर कायम याइगु जूगु दु । येँय् म्हिगः ग्वसाः ग्वःगु छगू ज्याझ्वलय् महासंघया नायः दिनेश भण्डारीं पेट्रोलियम पदार्थ लगायतया मेमेगु बस्तुया मूल्यबृद्धिया आधारय् बैज्ञानिक भाडादर कायम याइगु जानकारी बियादीगु खः ।

लिसलिसे वय्कलं बैज्ञानिक व व्यवस्थित प्रक्रियापाखें देय्दुने गाडी थप यायेगु प्रक्रिया न्ह्यःने न्ह्याकेत नं सरकारलिसे माग यानादीगु दु । ज्याझ्वलय् माइक्रोबस व्यवसायी संघया नायः पूर्णलाल श्रेष्ठं अनुशासित ढंगं थःगु कर्तब्य निर्बाह यायेत यातायात व्यवसायीतय्त इनाप नापं यानादिल । थौंकन्हय् देय्न्यंक झिंन्यासः स्वयाः आपालं माइक्रोबस व्यवसायीत दुगु जानकारी ब्यूगु खः ।

More Stories Like this