पर्यटन दँया लसताय् गुफा अवलोकन

किपू (झीगु स्वनिगः)

पर्यटन दँ २०११ या लसताय् लाकाः किपू क्षेत्रपाखें सञ्चालित छगू जक टेलिभिजन च्यानल किपू च्यानलं किपू लागाय् अवस्थित ऐतिहासिक गुफाया अवलोकन भ्रमण याकीगु जूगु दु ।
थ्वहे वइगु माघ महिनाया निगूगु वालय् याकेत्यंगु उगु अवलोकन भ्रमण न्हापांगु चरणय् किपू क्षेत्रय् अवस्थित सरकारी लिसे गैरसरकारी संस्थाया प्रमुखतय्त याकीगु किपू च्यानलया ज्याझ्वः संयोजक वीरेन्द्र शाक्यं जानकारी बियादिल ।

किपू क्षेत्रय् ऐतिहासिक महत्व क्वःबुयाः च्वंगु प्रशस्त पर्यटकीय सम्भाब्यता क्वःबुयाः च्वंगु जूसां नं समस्याय् लानाच्वंगु अवस्थायात दृष्टिगत यासें उकिया सम्बन्धय् माःगु जानकारी बिइगु नितिं अवलोकन भ्रमणया ज्याझ्वःया ग्वसाः ग्वयागु किपू च्यानल नेटवर्कं जानकारी ब्यूगु दु । किपू नगरपालिका - १४ चोभारय् अवस्थित मञ्जुश्री गुफा एशियाया हे निगूगु तःधंगु गुफाकथं कायेगु याः ।

More Stories Like this