सुडानय् जनमत संग्रह, देश टुक्रा

उत्तर व दक्षिण सुडान टुक्रा यायेगु विषयलय् सुडानय् आइतवाःनिसें जनमत संग्रह जुइत्यंगु दु । छवाःतक्क न्ह्याइगु मतदानया लिच्वः अफ्रिकाया हे दकले तःधंगु देय् टुक्रा जुइफूगु धुकूमाः याःगु दु ।

थ्व जनमत संग्रहं निगू देय् ब्यागलं जुइगु लिच्वः जूसा वंगु ताःहाकःगु इलंनिसेंया गृहयुद्धया अन्त्य जुइगु अन्तर्राष्ट्रिय सञ्चारमाध्यमं न्ह्यथंगु दु ।

देय् विभाजन जूसां नं उपिं दथुइया सीमाना, ऋण व चिकं संशोधन थेंज्याःगु महत्वपूर्ण कचवं धाःसा कायम हे जुयाच्वनि । आपालं चिकं संशोधन केन्द्रत दक्षिणी सुडानय् दुगुलिं ब्यागलं जुइधुंकाः वइगु अवस्थायात कयाः उत्तरी सुडानया सर्वसाधारण धाःसा उलि लय्ताःगु खनेमदु ।

More Stories Like this