खुक्वःगु ढोरपाटन 'ब्लु स्काइ कप’य् ज्ञानुबाबाया निक्वःगु खुसिइ त्यात

येँ (झीगु स्वनिगः)

खुक्वःगु ढोरपाटन 'ब्लु स्काइ कप' मिसा भलिबल डबल लिग धेंधेंबल्लाः कासाय् साबिक त्याकूगु ज्ञानुबाबां शनिबाः निक्वःगु कासा त्याकूगु दु । अपराजित ज्ञानुबाबां टोप्सयात सोझो सेटय् २५-१४, २५-१६ व २५-२० पाखें बुकूगु खः । मेगुलिइ उमिसं एन्जल्स हर्टयात २५-७, २५-१७ व २५-१३ या तप्यंक सेटय् बुकल । मेमेगु कासाय् नेपाल प्रहरी व न्यू डाइमन्ड त्यागु दु । प्रहरीं शहीद स्मृति क्लबयात २५-१७, २५-८ व २५-९ ल्याःया तप्यंक सेटय् बुकूगु खः । न्यू डाइमन्डं एन्जल्स हर्टयात २५-२२, २५-२१, २०-२५, १९-२५ व १५-१३ या थाकूगु ल्याखं त्याकूगु खः ।

न्यू डाइमन्डया रमिला तण्डुकारया कासापाखें प्रभावित जुयाः थीथी महानुभावतय्सं व्यक्तिगतरुपं रमिलायात शनिबाः १३ हजार ५ सय नगद प्रोत्साहन कथं लःल्हाःगु खः । उकिइ रमिलायात दकले अप्वः नगद लःल्हाःगुलिइ नेपाल भलिबल संघया दुजः मय्जु सुनकेशरी माली जुइत ताःलाःगु खः । मालीयात ४ हजार नगद ब्यूगु खः । अथेहे एन्जल्स हर्टया कासामि कमला पुनया कासापाखें आकषिर्त जुयाः आर्या इन्टरटेन्टमेन्ट स्टुडियोया सञ्चालक लिसे गायक किसान गुरुङं कमलायात ५ हजार नगद लःल्हाःगु खः ।

More Stories Like this