जनवादी गुँभ्वय् ज्याझ्वः
येँ (झीगु स्वनिगः)
एकीकृत माओवादी क्षेत्र नं. ११ या ग्वसालय् म्हिगः छगू गुँभ्वय्या ज्याझ्वः जूगु दु । थनया ककनीइ जूगु उगु ज्याझ्वलय् मूपाहां पोलिटव्यूरो दुजः व नेवाः राज्य समितिया इन्चार्ज हितमान शाक्य "सुमन" झायादीगु खःसा पाहाँपिनिगु झ्वलय् करण, शैलेन्द्र, सरु, मिलन व सृजना लगायत व्यक्तिपिं झायादीगु खः ।
ज्याझ्वलय् मूपाहां हितमान शाक्य "सुमन" राष्ट्रसंघीय मिसन अनमिनया प्रमुख लनग्रेनं नेपाः सम्वन्धी राष्ट्रसंघय् व्यूगु रिपोर्टयात कयाः ध्वाथुइकादीगु खः ।
ज्याझ्वःया सभापतित्व क्षेत्र नं. ११या इन्चार्ज इन्दिरां यानादीगु खःसा न्ह्याकेगु ज्या सेक्रेटरी रविन्द्र क्षेत्रं यानादीगु खः ।
