म्हिगः दयेकल जनकवि दुर्गालालया मूर्ति
येँ (झीगु स्वनिगः)
ज्यापु समाज यल व कल्याण कला केन्द्रया संयुक्त ग्वसालय् म्हिगः येँया बसन्तपुलीइ झी जनकवि दुर्गालाल श्रेष्ठया मूर्ति दयेकेगु ज्या जूगु दु । ज्यापु समाज, यलया युवाः कवःया ग्वसालय् वरिष्ठ ब्यक्तित्व पिनिगु मूर्ति दयेकेगु झ्वलय् यलया पीगू त्वाःया च्यय्म्ह युवा तयेगु पुचःया स्वम्ह उत्कृष्ट कलाकारत राजकुमार महर्जन, दिनेश महर्जन, गौतम अवालें म्हिगः सुथं निसें भाजु श्रेष्ठया मूर्ति दयेकूगु ज्या याःगु खः ।
दच्छि न्ह्यो निसें यलया पीइगु त्वाःया वरिष्ठ ब्यक्तित्व पिनिगु मूर्ति दयेकेगु आज्जु तयाः न्ह्याकेगु झ्वलय् अझ तक्क २२ गू त्वाःया २२ म्ह ब्यक्तित्व व भाजु सत्यमोहन जोशी, कुलांल डंगोल, पत्रकार भाजु दानदास श्रेष्ठ लगायत पिनिगु नं मूर्ति दयेके धंकूगु युवा कवःया संयोजक किरण डंगोलं जानकारी वियादिल । सिन्हः स्वां खलः, येँया ब्यवस्थापनय् जूगु उगू मूर्ति दयेकेगु नितिं प्रशिक्षण वियादीम्हः मू गुरु भाजु राजेश अवालें त्वाःया ब्यक्तित्वः व नेपाःया वरिष्ठ ब्यक्तित्वपिंत सम्मान यायेगु थुगु ज्या न्ह्याकादीगु धयादिल ।
