प्यम्ह मन्त्रीतपाखें मंकाः राजीनामा

येँ (झीगु स्वनिगः)

वर्तमान कामचलाउ सरकारया प्रधानमन्त्री माधवकुमार नेपाल समक्ष तराई मधेस लोकतान्त्रिक पार्टीया नायः महन्थ ठाकुरं म्हिगः शनिवाः सुथय् पार्टीया प्यम्ह मन्त्रीतपाखें राजीनामा लःल्हानादीगु दु ।
प्रधानमन्त्री निवास बालुवाटारय् वनाः प्यम्ह हे मन्त्रीतय्गु मंकाः कथं राजीनामा पौ लःल्हानादीगु खः । तमलोपां थःपिनिगु पार्टी सरकारपाखें राजीनामा ब्यूपिं मन्त्रीत शिक्षा मन्त्री सर्वेन्द्रनाथ शुक्ल, खेलकुदमन्त्री गणेश नेपाली तिवारी व राज्यमन्त्रीत गोविन्द चौधरी व चदा चौधरी खः । तमलोपा तछ्याना तमलोपा नेपाल गठन याःसां न्हूगु पार्टी दुथ्यापिं मन्त्रीतय्त कारवाही मयाःगुलिं अथे उगु पार्टीया प्यम्ह मन्त्रीतय्सं मंकाः कथं राजीनामा बियादीगु खः ।