उत्तर कोरियापाखें निःशर्त वार्ताया इनाप
सोल (एएफपी)
वंगु दँया मार्चया लिपापाखे दक्षिण कोरियाया छगू युद्धपोत सीमावर्ती सामुदि्रक क्षेत्रय् उत्तर कोरियां दुबय् यानाः बिइवं जूगु कचवं चिचीधंगु ल्वापुइ हिउगु थ्यंमथ्यं निलालिपा उत्तर कोरियां दक्षिण कोरियालिसे निःशर्त वार्ताया इनाप याःगु दु । उत्तर कोरियाली समाचार संस्था केसिएनएं ब्यूगु जानकारीकथं उत्तर कोरियां छु नं इलय् छु नं थासय् दक्षिण कोरियालिसे सौहादर््रपूर्ण निःशर्त वार्ताया लुखा खुल्ला यायेमास्ते वःगु जानकारी ब्यूगु दु । वर्तमान राष्ट्रपति किम जोङ्ग इलं न्ह्याबलें नं दक्षिण कोरियाली सरकारयात युद्ध पिपाशु अमेरिकाया कतांमरि धइगु संज्ञा बियाः वयाच्वंगुलिइ उत्तर कोरियाया थुगु वार्ता प्रस्ताव राष्ट्रिय चरित्र स्वयाः ब्यागलं न्ह्यब्वःगु धकाः पश्चिमा देय्तय्सं शंकालु नजरं स्वयाच्वंगु दु ।
थुखे दक्षिण कोरियाली सरकारं थुगु प्रस्ताव दथुइ याकनं थःगु प्रतिक्रिया ब्यूगु मदुनि । सोलया राष्ट्रिय एकता मन्त्रालयया छम्ह अधिकारीं वार्ताया प्रस्ताव स्वयाः नं वार्ताप्रति उत्तर कोरियाया झुकावय् इमान्दारिता गुलितक्क वइ धइगु महत्वपूर्ण विषय जूगु दक्षिण कोरियाली समाचार समिति "योन्हाप" यात जानकारी ब्यूगु दु । निःशर्त वार्ताय् च्वनेमास्ते वःपिं उत्तर कोरियां आणविक शक्ति संचय यायेगु प्रयोजनया युरेनियम कारखाना व रियक्टर स्टेशन धाःसा धमाधम प्रबर्द्धन यानाच्वंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
