ढोरपाटन भलिबल

येँ (झीगु स्वनिगः)

खुक्वःगु ढोरपाटन 'ब्लु स्काइ कप' मिसा भलिबल डबल लिग कासाय् म्हिगः विहीवाः नेपाल प्रहरीयात बुकाः जे.इ.एमं त्याकूगु दु ।
न्ह्याबलेंया त्याकामि ज्ञानुबाबा प्रहरीया अपराजित यात्राय् पंगः जूगु खः । प्रहरीयात ३-१ सेटं ल्यूने लाःगु खः । न्हापांगु सेट प्रहरीं २५-१९ सेटं थःगु पक्षय् लाकूगु खः । अनंलिपा स्वंगू सेट लगातार ज्ञानबाबां छसिकथं २५-१६, २५-२२ व २५-१६ सेटं कब्जायासें प्रहरीयात न्हापां बुकूगु खः ।

थथे बुसां तबि प्रहरी शीर्ष स्थानय् हे दनि । खुगू कासा म्हिति धुंकूगु प्रहरी खुक्वः त्यागु व छक्वः बुइवं ११ अंकय् सीमित जूगु खः । अपराजित ज्ञानुबाबाया न्यागू कासां १० अंक थ्यंगु खः । ढोरपाटन स्पोर्टस् प्रशिक्षण क्लबपाखें ग्वसाः ग्वःगु कासाया मेगु कासाय् मजदूर शहीद स्मृति क्लब त्याःगु दु । उगु क्लबं टोप्सयात २५-१४, २२-२५, २५-१७ व २५-२३ सेटं बुकूगु खः ।
मजदूर शहीद स्मृति क्लब त्यायेवं ९ अंक काःगु खः । उकिइ स्वक्वः बुकाः उलि हे त्यागु दु । न्यागू कासाय् न्हापांगु कासाय् टोप्स बुइवं ९ अंक काःगु खः । बेष्ट कासामिया नितिं एन.डी.ए. पुलांगु नैकापया कासामि रमिला तण्डुकारयात कासाय् ब्वतिकाःपिं दर्शकं १७८५ भोट ब्यूगु दु । उगु भोट नापनापं ग्वसाः खलःपाखें स्कुटर ब्यूगु दु ।

More Stories Like this