थँबहिइ सरसफाइ अभियान
येँ (झीगु स्वनिगः)
येँया पर्यटकीय केन्द्र थँबहि बांलाकाः तयेगु नितिं थँबहि पर्यटन परिषद् व येँ महानगरपालिकां संयुक्तरूपं सरसफाइ अभियान न्ह्याकूगु दु । सरसफाइया नितिं महानगरपालिकां न्हापांगु चरणय् पीगू फोहर वांछ्वयेगु डस्टबिन उपलब्ध याःगु दु । महानगरपालिका वातावरण विभागया प्रमुख शान्तराम पोखरेलं उगु डस्टबिन थँबहिलय् म्हिगः ग्वसाः ग्वःगु ज्याझ्वलय् ल्हाःचिं तयादिल । उगु हे लसताय् वातावरण विभाग प्रमुख पोखरेलं महानगरपालिकां दच्छिया स्वीप्यंगू करोड फोहर व्यवस्थापनय् खर्च याःगु धासें छेँय्पाखें पिहाँवइगु न्हय्गू प्रतिशत फोहर सडय् जुइगु कथंया जूगुलिं थुकिया व्यवस्थापनया नितिं स्वयम् नगरवासी नं सचेत जुइमाःगु धयादिल ।
