'राष्ट्रिय नीति दयेकेमाः’
येँ (झीगु स्वनिगः)
एकीकृत माओवादीया न्वकु डा. बाबुराम भट्राई नं राष्ट्रियता, स्वाधिनता व विदेशी नीतिया बारे नेपाःया दलतय्गु मंकाः धारणा दयेकेमाः धकाः धयादीगु दु ।
म्हिगः विहिवाःनिसें भारतया नयाँदिल्लीइ न्ह्याःगु नेपाः सम्वन्धी सम्मेलनय् वय्कलं प्यगू बुँदाया अवधारणा पौ न्ह्यब्वसें वय्कलं अथे धयादीगु खः । माओवादीं पुलांगु संसदीय व्यवस्था स्वीकार मयाइगु अले मेमेगु दलतय्सं जनवादी गणतन्त्र स्वीकार मयाइगु अवस्थाय् दथुइ च्वंगु लँपु मालेमाः धकाः माओवादीया न्वकु डा. भट्टराई नं अथे धयादीगु खः ।
वय्कलं नेपाःया सेनाया लोकतान्त्रिकरण व माओवादी लडाकुया सम्मानजनक समायोजन यानाः न्हूगु राष्ट्रिय सेना दयेकेमाःगु व फुक्क वर्ग, क्षेत्र व जातिया समानुपातिक प्रतिनिधित्व जुइगु आर्थिक विकासया नीति निर्माण यायेमाः धयादिल ।
