फागुन १८ निसें स्वक्वःगु हिमालयन गाइड्स पाथिभरा म्याराथुन जुइगु

ताप्लेजुङ (झीगु स्वनिगः)

ताप्लेजुङय् वइगु फागुन १८ गतेनिसें स्वक्वःगु हिमालयन गाइड्स अन्तर्राष्ट्रिय म्याराथुन धेंधेंबल्लाः कासा जुइत्यंगु दु । निदँ न्ह्यःनिसें न्ह्याःगु उगु धेंधेंबल्लाः कासाय् म्याराथुनया लिसलिसे थीथी ज्याझ्वःया तयारी जुयाच्वंगु ग्वसाः खलकं जानकारी ब्यूगु दु । पाथिभरादेवी मन्दिर संरक्षण लिसे सम्बर्द्धन समिति व इन्द्रदल गुल्मया ग्वसालय् उगु धेंधेंबल्लाः कासा जुइत्यंगु खः । येँस्थित हिमालयन गाइड्सया प्रबन्धक ईश्वरी पौडेलपाखें प्रायोजित उगु धेंधेंबल्लाः कासाय् न्हापाया दँनिसें हे खुल्ला मिजं लिसे मिसा म्याराथुन धेंधेंबल्लाः कासा ग्वसाः ग्वयाः वयाच्वंगु खः ।

मिजंपाखे सदरमुकाम फुङलिङनिसें पाथिभरा जुयाः हाकनं सदरमुकामतक्क ५४ किलोमिटर व मिसापाखे नीन्हय्गू किलोमिटर दूरीया हाफ म्याराथुन जुइगु नापं जानकारी ब्यूगु दु । थुगु दँया म्याराथुनय् विदेशी प्रतिस्पर्धीतय्सं नं ब्वति काइगु ग्वसाः खलःया पौडेलं जानकारी बियादीगु खः । म्याराथुनया नितिं मिजंपाखे न्हाप, ल्यू व लियांल्यू लाःपिंत छसिकथं ५०, ४० व ३० हजार लिसे मिसापाखे ३०, २० व १० हजार तका धेबा सिरपाःकथं देछाय्गु जानकारी ब्यूगु दु ।

More Stories Like this