डाबर नेपालया प्रमुख धरौटीइ पिहाँवल
बारा (झीगु स्वनिगः)
डाबर नेपालया प्रमुख उदयन गांगुली व बाराय् दुगु रियल जुस कारखानाया प्रबन्धक इन्द्रनील गुप्ता धरौटीइ पिहाँवःगु दु । अख्तियार दुरुपयोग अनुसन्धान आयोगं निम्हसित नं न्यागू करोड तका धेबा धरौटीइ त्वःतूगु जानकारी ब्यूगु दु । नक्कली उत्पादन तिथि तयातःगु न्हय्प्यद्वः कार्टुन जुस विगोस्वरुप थ्व धेबा काःगु अख्तियारया प्रवक्ता ईश्वरी पौडेलं जानकारी बियादीगु दु ।
वय्कलं थःगु गल्ती स्वीकार याःगु व मेगु अनुसन्धान जुयाच्वंगु प्रवक्ता पौडेलं जानकारी बियादीगु खः । वंगु पुस ५ गते बाराया रामपुरटोकनीस्थित डाबर नेपालया रियल जुस फ्याक्ट्रीइ अख्तियारं छापा मारय् याःबलय् उत्पादन तिथि ब्यागलं तयाः छ्वयेत तयार यानातःगु जुस लुयावःगु खः ।
