लायन्स क्लबया धेंधेंबल्लाः कासा

विराटनगरया झिंछगू लायन्स क्लबतय्गु ग्वसालय् दिल्ली पब्लिक स्कूलया कासा मैदानय् न्हापांगु क्षेत्रीयस्तरया लायन्स क्लब अन्तर विद्यालय धेंधेंबल्लाः सुरू जूगु दु ।

धेंधेंबल्लाः अन्तर्गत मंगलवाः क्वचाःगु बास्केटबलया मिजंतयेगुपाखे एस.ओ.एस.स्कूल इटहरीं त्याकाः स्वर्ण पदक ल्हातय् लाकूगु दुसा दिल्ली पब्लिकं रजत व डनबस्को स्कूलं काँश्य पदक त्याकेत ताःलाःगु दु ।

अथेहे सच्छिगू मिटर मिसा ब्वाज्याय् दिल्ली पब्लिकया ज्योतिश्ना रौनियारं स्वर्ण, पोखरीया माविया लक्ष्मी कटुवालं रजत व कर्मविराविया सरस्वती राईं काँश्य पदक त्याकूगु दु । अथेहे निसः गू मिटर मिसा ब्वाज्याय् पोखरीया माविया लक्ष्मी कटुवालं स्वर्ण, स्टार उमाविया पुजा शाहं रजत व कर्मविर माविया सुनिता सरदारं काँश्य पदक ल्हातय् लाकूगु दु ।

उखे मिजं सच्छि मिटर ब्वाज्याय् दिल्ली पब्लिकया सेफ अलि खानं स्वर्ण, एस.ओ.एस.स्कूल इटहरीया सनम चौधरीं रजत व सिद्धार्थ स्कूलया जयराम विश्वासं रजत पदक ल्हातय् लाकूगु दु ।

थुकथं हे मिजंतय्गु निसः मिटर ब्वाज्याय् दिल्ली पब्लिकया सेफ अलि खानं स्वर्ण, एस.ओ. एस.स्कूल इटहरीया गौरव दवाडीं रजत व सिद्धार्थ स्कूलया विक्रम माझीं कांस्य पदक त्याकूगु दु ।

अथेहे चेस मिजंपाखे दिल्ली पब्लिकया नरेश यादवं स्वर्ण, डनबस्कोया किरण भट्टराईं रजत व एस.ओ. एस.स्कूलया दामोदर ढकालं कांस्य पदक ल्हातय् लाकेत ताःलाःगु दु ।

More Stories Like this