दक्षिण कोरियाली राष्ट्रपति उत्तरलिसे वार्ताया नितिं आशावादी
सोल (एएफपी)
दक्षिण कोरियाली राष्ट्रपति ली म्युङ वाकं कोरियाली प्रायद्वीपय् तनावया दथुइ नं उत्तरलिसे वार्ताया नितिं दक्षिण कोरिया खुल्ला दुगु जानकारी ब्यूसें धिसिलाःगु आर्थिक सम्बन्धया नितिं इनाप याःगु दु । उत्तर कोरियां सन् २०११ य् स्वापू बांलाकेगु नितिं इनाप यायेवं हे थःपिनिगु न्हूदँया नीति सम्बन्धी न्ववायेगु झ्वलय् उत्तरयात थःगु सैनिक दुस्साहसिकता परित्याग यायेत इनाप याःगु दु । वंगु सन् २०१० या नोभेम्बरय् उत्तरं सीमास्थित टापुइ गोलावारी यायेधुंकाः निगू कोरियादथुइया स्वापू स्यंगु दु । झाकाय् प्यम्ह मनूत नापं सीगु खः ।
यदि उत्तरं इमान्दारिता न्ह्यब्वयेगु खःसा जिपिंलिसे अन्तर्राष्ट्रिय समुदायलिसे थःथवय्या आर्थिक ग्वाहालि व्यापकरुपं धिसिलाकेत इच्छाशक्ति व योजना विद्यमान दु - वय्कलं धयादीगु दु । उत्तरं महशुस यायेमाः कि सैनिक दुस्साहसिकतापाखें छु नं फाइदा मदु व आणविक ल्वाभः व सैनिक दुस्साहसिकतायात परित्याग यायेफयेकेमाः । उखे उत्तरं नं सरकारी सञ्चार माध्यमया न्हूदँया सम्पादकीयसं तनाव फयांफत्तले याकनं ज्यंकेमाःगु धासें वार्ता व ग्वाहालिइ बहः ब्यूगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
