ताइवानं व्यक्तिगत चीनिया पर्यटकतय्त प्रतिबन्ध चीकल
ताइपेइ (एएफपी)
ताइवानं चीनया व्यक्तिगत पर्यटकतय्त तयाः वयाच्वंगु दशकौं पुलांगु प्रतिबन्ध वइगु अपि्रल महिनानिसें चीकेगु अपेक्षा याःगु दु । थुकिं ताइवान व चीनदथुइ स्वापू सुथांलाकेगु दिशाय् मेगु संकेत ब्यूगु सरकारी लिसे स्थानीय सञ्चारमाध्यमं आइतबाः जानकारी ब्यूगु खः । आःतक्क चिनियाँतय्सं पुचःयारुपं जक ताइवान द्वीपया भ्रमण यायेत बियाः वयाच्वंगु खः । ताइवानया अधिकारीतय्सं चीनियाँत व्यक्तिगत भिसापाखें वयेबलय् अप्वः ई च्वनेगु व अवैधानिकरुपं ज्या याइगु ग्याःचिकुया कारण उगु व्यवस्था लागू याःगु खः ।
ताइवानया चीन नीति निर्माण निकाय मेनल्याण्ड एफेयर्स काउन्सिलया छम्ह अधिकारीं म्हसीका गोप्य तयेगु शर्तय् जानकारी ब्यूगु खः - जिपिं मेगु अझ अप्वः खुलापनया पलाः हयेत तयार दु । उम्ह अधिकारीं विस्तृत विवरण मब्यूसां नं थौंकन्हय् परिक्षणया रुपं सङ्घाई व वेइजिङया न्यासः बासिन्दातय्त न्हियानिहथं ताइवान द्वीपय् भ्रमण यायेत उजं बिइगु नं जानकारी ब्यूगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
