प्रहरीं लगातार स्वंगू कासा त्याकल

येँ (झीगु स्वनिगः)

आइतवाः जूगु खुक्वःगु ढोरपाटन 'ब्लु स्काइ कप' मिसा भलिबल डबल लिग कासाय् नेपाल प्रहरी हाकनं स्वक्वःगु खुसिइ नं त्याकूगु दु । गोंगःबुँइ च्वंगु न्हूगु बसपार्कय् जुयाच्वंगु न्हापांगु कासाय् प्रहरीं न्यू डाइमण्डयात २५ - १६, २५ - १५ व २५ - १३ या सेटं बुकूगु खः । अथेहे, एन्जल्स हर्टयात २५ - १३, २५ - १३ व २५ - ८ या सेटं बुकेगु नितिं ताःलाःगु खः । स्वक्वः तक त्यायेवं प्रहरीया ९ अंक जुयाः शीर्ष थासय् लाःगु खः ।

ढोरपाटन स्पोर्टस् प्रशिक्षण क्लबपाखें ग्वसाः ग्वःगु मेमेगु कासाय् शहीद स्मृति क्लब -कास्की), मजदुर शहीद स्मृति क्लब -येँ) व एन्जल्स हर्ट त्याःगु खः । शहीद स्मृति क्लबं मजदुर शहीद स्मृति क्लबयात २५ - १७, १९ - २५, २५ - १८, २३ - २५ व १५ - १२ सेटं ल्यूने लाकूगु खः । चण्डेश्वरीनापं जूगु कासाय् धाःसा मजदुर शहीद स्मृति क्लब २५ - १५, २५ - ८ व २५ - ८ सेटं न्ह्योने लाःगु खः । एन्जल्स हर्टं चण्डेश्वरीयात २५ - ८, २५ - ८ व २५ - १६ या सेटं ल्यूने लाकूगु खः ।

More Stories Like this