होटल ह्यातय् मजदुरतय्गु आन्दोलन जारी

येँ (झीगु स्वनिगः)

अखिल नेपाल होटल लिसे रेष्टुरा मजदुर संघं होटल ह्यातय् ज्या यानाच्वंपिं पीखुम्ह सेक्युरिटी मजदुरतय्त याकनं स्थायी यायेगुया लिसलिसे प्रहरी दमनया अन्त्य यायेत माग याःगु दु । संघं आइतवाः छगू विज्ञप्ती पिथनाः आइतवाःनिसें हे अनिश्चितकालतक्क आन्दोलन यायेगु ख्याच्वः नं ब्यूगु दु ।

संघया नायः मुक्ति दाहालपाखें पिथंगु विज्ञप्तीइ आन्दोलनरत मजदुरदथुइया प्रहरी दमनया घोर भ्रत्र्सना यायेगुया नापनापं श्रम लिसे ट्रेड युनियन ऐनकथं आन्दोलनय् कुहाँवये दयेमाःगु न्ह्यथनातःगु दु । प्रहरी दमनया विरोधय् संघं आइतवाः होटेल न्ह्यःने निघौतक्क धर्ना नापं ब्यूगु खः ।