थँबहिइ सरसफाई ज्याझ्वः

येँ (झीगु स्वनिगः)

म्हिगः थँबहिलय् ठमेल पर्यटन विकास परिषद् मंगाः सफा यायेगु ज्याझ्वः न्ह्याकूगु दु । मंगाः सफा यायेगु झ्वलय् छगू मंगाः १५ गू बोरा फोहर लिकायेगु ज्या जूगु खः । पर्यटन विकास परिषद्या दुजः प्रकाश नरसिंह राणा म्हिगः न्ह्याकूगु ज्याझ्वलय् नगरपालिकाया कर्मचारी, महानगरीय प्रहरी प्रभाग, महानगरीय ट्राफिक, ठमेल पर्यटन विकास परिषद् आदि थासं आर्थिक ग्वाहालि ब्यूगु खः ।

महानगरपालिका येँपाखें जेट गाडी उपलब्ध यानाब्यूगु खः । करिब १५ गू मंगाः दुगुलिइ म्हिगः न्यागः सफा याःगु खः । मेगु मंगाः ट्राफिक जाम जूगु कारण वइगु मंगलवाः ठमेल पर्यटन विकास परिषद्या दुजः प्रकाश नरसिंह राणां जानकारी ब्यूगु खः ।

More Stories Like this