'झलनाथं हे तमलोपा तछ्याःगु’
येँ (झीगु स्वनिगः)
तराई मधेस लोकतान्त्रिक पार्टीया बरिष्ठ न्वकु बृषेस चन्द्रलालं थःपिनिगु पार्टी प्रधानमन्त्री जुइगु कुतः यानाः एमालेया नायः झलनाथ खनालं तछ्याःगु खः धकाः द्वपं बियादीगु दु । म्हिगः संचारकर्मीतलिसे खँल्हासें वय्कलं तमलोपा तछ्यानाः इमित कुर्सी बिइगुनिसें मेमेगु कथंया फुक्क हे ज्या योजना कथं हे खनालं याःगु खः धकाः धयादीगु दु ।
थ्व हे दथुइ उगु पार्टीं तमलोपापाखें मन्त्री जुयाच्वंपिं निम्हेसित तत्काल हे मन्त्री पदं मुक्त यायेत प्रधानमन्त्री माधवकुमार नेपालयात माग नं याःगु दु। तमलोपापाखें निम्ह मन्त्रीत नापं बच्छिं मल्याक सांसदतसें पार्टी तछ्यानाः तराई मधेस लोकतान्त्रिक पार्टी नेपाल गठन याःगु खः ।
