नेवाः मोर्चाया जिल्ला सम्मेलन

येँ (झीगु स्वनिगः)

एकीकृत नेवाः राष्ट्रिय मुक्ति मोर्चा येँ जिल्लाया सम्मेलन वइगु सिल्लाथ्व अस्तमी शुक्रवाः व नवःमी शनिवाः -माघ २८ व २९) याइगु जूगु दु । म्हिगः आइतवाः च्वंगु मोर्चाया मुँज्यां माघ १५ गते तकया दुने जिल्लाया वडा, गाविस, नगर व क्षेत्रया सम्मेलन क्वचायेकेगु खँ क्वःछ्यूगु दु । नेवाः स्वायत्त राज्यया अवधारणा कथं स्थानीयनिकायलय् हस्तक्षेप यानाः वनेगु, राष्ट्रिय सम्मेलनया नितिं तयारी यायेगु नापं नेवाः स्वायत्त राज्यय् दुहां वयेगु लागा नागढुंगाय् नेवाः स्वायत्त राज्यया लसकुस ध्वाखा तयेगु धकाः खँ क्वःछयूगु दु ।