फुक्क हे सेनापति लिउने
नेपाःया राजनीतिक पार्टीतय्गु बानी व्यहोरा खनीबलय् थुमित ला झीसं छाय् भोट बियाः त्याका छ्वयागु धकाः मनय् वयाच्वनीगु । छाय्धाःसां देशय् थौं जनताया गुलि तःधंगु मार नयाच्वंगु दु । थारुतय्सं बन्द याःगुलिं राजमार्गय् हे गुलि मनूत विजोक जुयाः च्वनेमाल धकाः समाचार वयाच्वंगु दु । तर फुक्कं पार्टीत धाःसा वहे प्रधानसेनापति छम्हेसिया लिउ लिउ ब्वाँय् वनाच्वन । छु देशय् प्रधानसेनापति छम्ह बाहेक मेगु छुं हे ज्या मदु लाकि छु थ्व प्रधानसेनापति छम्हेसिगु लागि पार्टीतय्सं मेगु ला छु खँ संविधान च्वयेगु ज्यायात हे वास्ता मयासे ब्वाँय् वनाच्वंगु दु । थ्व ला पटक्क हे बांलाःगु ज्या मखुत । राजनीतिक पार्टी धाःपिंत सेनापति तःधं लाकि संविधान तःधं ? देशय् सदियौं पुलांगु राजतन्त्र ला हटे जुइफु धाःसा थ्व प्रधानसेनापति छम्ह छाय् हटे जुइ मफु ? छाय् पार्टीत फुक्क वयागु लिउ लिउ वनाच्वंगु जुइ ? फुक्कं पार्टीं न्हिप्यं खः ला ?
- गजेन्द्र मालाकार, ताम्सीपाखा येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
