क्रिकेट धेंधेंबल्लाः कासा जुइगु

धनगढी (झीगु स्वनिगः)

वइगु माघ ७ निसें १५ गतेतक्क थनं कलेज स्तरीय क्रिकेट धेंधेंबल्लाः कासाया ग्वसाः ग्वइगु जूगु दु । सुदूरपश्चिमाञ्चल एकडेमी कप (एसपिए कप २०११) नां बियातःगु उगु धेंधेंबल्लाः कासा थुगु क्षेत्रया अग्रणी शैक्षिक प्रतिष्ठान, सुदूरपश्चिमाञ्चल एकडेमी धनगढी, होटे डिभोटी, बेल्स क्याफे व ओम प्यालेसया संयुक्त कुतलय् ग्वसाः ग्वयेत्यंगु म्हिगः छगू पत्रकार सम्मेलनय् जानकारी ब्यूगु खः ।

देय्न्यंकया १६ क्रिकेट टिम -क्याम्पस स्तरयां) ब्वति काइपिं धेंधेंबल्लाः कासाय् त्याकुमिपिंत छगू लाख व ल्यू त्याकामियात पीद्वः तका धेबा सिरपाः लःल्हाइगु जानकारी ब्यूगु दु ।
उगु कासाय् उत्कृष्ठ कासामियात धेबा सिरपाः नं लःल्हाइगु जानकारी ब्यूगु दु । पत्रकार सम्मेलनय् सुदूरपश्चिमाञ्चल एकडेमीया नायः योगेन्द्र शाही व निर्देशक शुभाष शाहीं कासा लागाया विकासया नितिं कासा न्ह्याकीगु धयादिल ।

More Stories Like this