अनमिन तयातयेत इनाप
येँ (झीगु स्वनिगः)
पत्रकारिता, कानून व्यवसाय, प्राध्यापन, मानवअधिकार, समाजसेवा लगायतया क्षेत्रय् च्वंपिं झिंगुम्ह मनूतय्सं नेपाःया नितिं राष्ट्रसङ्घीय राजनीतिक मिसन (अनमिन) आःतक्कं माःगु धासें संयुक्त राष्ट्रसंघ, राष्ट्रसंघीय सुरक्षा परिषद्, महामहिम बान कि मुनयात ध्यानाकर्षण याःगु दु । नयाँ बानेश्वरय् च्वंगु अनमिन ज्याकू पाखें मू छ्याञ्जे मुनया नामय् दर्ता जूगु पत्रय् न्ह्यथनातःथें 'शान्तिप्रक्रिया हे भंग जुइवं वा गबलें अन्त्य मजुइगु कथं गृहयुद्धय् न्ह्यःने वनीमखु धइगु आधार मदुगु इलय् अज्याःगु फुक्क निर्णयत यायेन्ह्यः मू छ्याञ्जे, सुरक्षा परिषद् समीक्षा यायेमाः धकाः न्ह्थनातःगु खः । उगु पौसं भारतं राष्ट्रसंघं अनुगमन यानाच्वंगु एमाओवादी शिविरयाके आतङ्ककारीतय्त तालिम ब्यूगु धइगु प्रचार यानाच्वंगु सन्दर्भय् अनमिन लिहाँ वनेवं उगु थासय् भारतया हस्तक्षेप अप्वइगु खँय् बिचाः यायेत राष्ट्रसंघयात इनाप याःगु दु ।
संयुक्त पत्रपाखें मू छ्याञ्जे मुनं ध्यानाकर्षण याकूपिं पत्रकारत नवराज न्यौपाने, यादवप्रसाद शर्मा, नारायणप्रसाद शर्मा, लक्ष्मण बजगाईं, कुमार रोक्का, रामहरि सिलवाल, रामशरण माझी, दीपककुमार बराल, रामचन्द्र खड्का, मोहन पन्त, पार्वती धरेल, पत्रकार लिसे चलचित्र निर्देशक सुचित्रा श्रेष्ठ, अधिवक्तात धनञ्जय खनाल, विष्णुप्रसाद बास्कोटा, सह-प्राध्यापकपिं ठाकुर वाग्ले, बाबुराम सिंह थापा, सामाजिक कार्यकर्ता अनल खड्का, मानवअधिकारकर्मी अङ्कुर न्यौपाने व राजनीतिक कार्यकर्ता श्रीराम लामिछाने लगायतपिं खः ।
