याकःति कथं अनमिनयात लिछ्वयेत्यन
येँ (झीगु स्वनिगः)
नेपाःया शान्ति प्रक्रियाया पूवंकेगु नितिं भूमिका म्हितकेत सःतूगु राष्ट्रसंघीय मिसन अनमिनयात वर्तमान कामचालाउ सरकारं याकःति कथं लिछ्वयेगु कुतः यानाच्वन धकाः एकीकृत माओवादीया नायः पुष्पकमल दाहाल प्रचण्डं धयादीगु दु ।
म्हिगः शनिवाः येँय् मुस्लिम मुक्ति मोर्चाया ग्वसालय् जूगु ज्याझ्वलय् न्वंवासें वय्कलं आःया अवस्थाय् शान्ति प्रक्रियायात स्यंकेत छुं वर्ग लगय् जुयाच्वंगु दु धयादिसें उत्पीडित समुदाय थःगु अधिकारया नितिं छप्पँ जुयाः मवन धाःसा उज्वःगु अधिकार मवइगु अवस्था ब्वलंगु दु धकाः नं धयादिल ।
